ဈာန် မဂ်ရခါနီး ဖိုလ်ဝင်စားခါနီး၌ဖြစ်သော မဟာကုသိုလ်ဇော, ဈာန်ရခါနီး ဖိုလ်ဝင်စားခါနီး၌ဖြစ်သော မဟာကြိယာဇောတို့သည် ဉာဏ်နှင့်ယှဉ်သော စိတ်များသာ ဖြစ်ထိုက်သည်၊ ထို့ကြောင့် မနောဒွါရာဝဇ္ဇန်း၏ အခြားမဲ့၌ မဟာကုသိုလ် မဟာကြိယာ ဉာဏသမ္ပယုတ်ဇော ၈-ပါးတို့တွင် တစ်ပါးပါးကသာ ပရိကံ ဥပစာ အနုလုံ ဂေါတြဘူဟု လေးကြိမ်သော်လည်းကောင်း၊ ဥပစာ အနုလုံ ဂေါတြဘူဟု သုံးကြိမ်သော်လည်းကောင်း စောရသည် (ဖြစ်ရသည်)၊ ဤပရိကံစသော ဇောများကိုပင် “ဥပစာရသမာဓိဇောများ”ဟု ခေါ်ကြသည်။
ဥပစာ ၁
ဥပစာ-ဟူသည် ဈာန်၏အနီး၌ဖြစ်သော စိတ် ဖြစ်သည်၊ အပ္ပနာဟူသော ဈာန်၏ အနီး၌ ဖြစ်တတ်သော စိတ်သည် ဥပစာမည်၏။