၁။ဇီဝိတနဝကကလာပ်၊ ၂။စက္ခုဒသက ကလာပ်၊ ၃။သောတဒသက ကလာပ်၊ ၄။ဃာနဒသက ကလာပ်၊ ၅။ဇိဝှါဒသက ကလာပ်၊ ၆။ကာယဒသက ကလာပ်၊ ၇။ပုမ္ဘာဝဒသက ကလာပ်၊ ၈။ဣတ္ထိဘာဝဒသက ကလာပ်၊ ၉။ဝတ္ထုဒသက ကလာပ်။(ကံကြောင့်ဖြစ်သော ရုပ် ၁၈ ပါးမှ ဇီဝိတရုပ်နှင့် အဝိနိဗ္ဘောဂရုပ် ၈ ပါးကို ပေါင်းစည်း၍ ဇီဝိတနဝကကလာပ်ဟု ခေါ်သည်။ ထိုဇီဝိတနဝကကလာပ်တွင် ပသာဒရုပ်ငါးပါး၊ ဘာဝရုပ် ၂ ပါး၊ ဟဒယရုပ်ဟု ခေါ်သော ဝတ္ထုရုပ်၊ ပေါင်း ရှစ်ပါးကို တစ်ပါးချင်းစီပေါင်းစည်းလျက် စက္ခုဒသက၊ သောတဒသက၊ ဃာနဒသက၊ ဇိဝှါဒသက၊ ကာယဒသက၊ ပုမ္ဘာဝဒသက၊ ဣတ္ထိဘာဝဒသက၊ ဝတ္ထုဒသကဟု ရှစ်မျိုးရလာသည်။ စုစုပေါင်းသော် ကလာပ်စည်း ၉ ခု ရှိလေသည်။)
ကာမရာဂါနုသယ ၁
ဝတ္ထုအာရုံ ကာမဂုဏ်၌ တပ်မက်တတ်သော တဏှာသည် သတ္တဝါတို့၏ သန္တာန်၌ အစဉ်တစိုက် ကိန်းအောင်း ပါဝင်နေသောကြောင့် ကာမရာဂါနုသယ...