ဟဒယဝတ္ထုသည် “ဟဒယရုပ်”မည်၏၊ သားမြတ်နှစ်ခုအလယ် နှလုံးအိမ်အတွင်း၌ ပုန်းညက်စေ့ခန့် ကျယ်သော တွင်းငယ်ရှိ၏၊ ထိုတွင်းငယ်အတွင်း သွေးများစွာ ရှိ၏၊ ထိုသွေးများကို ပြန့်နှံ့လျက် ဟဒယဝတ္ထုရုပ်ပေါင်း များစွာ ရှိ၏။ ဆိုင်ရာ စိတ် စေတသိက်များ၏ မှီရာဖြစ်သောကြောင့် ဝတ္ထုရုပ်-ဟုလည်း ခေါ်သည်။ ဤရုပ်ကို အမှီပြု၍ ကောင်းကျိုးဆိုးကျိုးကို ပြည့်စုံစေနိုင်သောကြောင့် ဟဒယရုပ်ဟုလည်း ခေါ်သည်။
ဟိတ်
ဟိတ်သည် ရေသောက်မြစ်နှင့် တူ၏၊ ရေသောက်မြစ်သည် မိမိနှင့် တကွဖြစ်သော သစ်ပင်ကို စည်ပင်စေရန် ခိုင်မြဲစေရန် ကူညီ ထောက်ပံ့သကဲ့သို့ ထို့အတူ မိမိနှင့် အတူတကွဖြစ်ကြသော ရုပ်တရား, နာမ်တရားတို့ကို ခိုင်မာစေ, ပြန့်ပွားစေဖို့ရန် ထောက်ကူသမှု ကျေးဇူးပြုတတ်သော တရားသည် ဟိတ်...