အကြောင်းအမျိုးမျိုးက အကျိုးအမျိုးမျိုးအား အစွမ်းသတ္တိအမျိုးမျိုးဖြင့် ကျေးဇူးပြုနေကြပုံကို ပြသော တရား။ (ပဋ္ဌာန်း-ဟူသော အမည်သည် ပဋ္ဌာန-ဟူသော ပါဠိမှ ဆင်းသက်လာသော အမည် ဖြစ်သည်။ ပဋ္ဌာန-ဟူသော ပါဠိသည် အကြောင်းအမျိုးမျိုးကို ဖော်ပြသော ကျမ်းကို ဟော၏။ သို့သော် ပဋ္ဌာန်း ကျမ်းတော်ကြီး၌ကား အကြောင်းအမျိုးမျိုးကိုသာမက ထိုအကြောင်းအမျိုးမျိုးက အကျိုးအမျိုးမျိုးအား အစွမ်းသတ္တိအမျိုးမျိုးဖြင့် ကျေးဇူးပြုနေကြပုံကို ဟောပြထားတော်မူသည်။ သို့ဖြစ်၍ ထိုသို့ ဟောပြထားသော ကျမ်းကို ပဋ္ဌာန်းကျမ်း ခေါ်သည်-ဟု မှတ်သားထိုက်၏။)
ပြိတ္တာဘုံ (ပေတ္တိဝိသယ)
ချမ်းသာမှ ဝေးသောအားဖြင့် ဖြစ်တတ်သောကြောင့် ပေတ-ဟု ခေါ်သည်။ ထိုပေတတို့ ဖြစ်ရာဌာနသည် ပေတ္တိဝိသယမည်၏။ ပြိတ္တာတို့၏ နေရာ။တစ်နည်း-ပြိတ္တဘုံ-ဟု...