ကံကြောင့်ဖြစ်သော ရုပ်။ (အကုသိုလ်စေတနာ ၁၂-ပါး၊ ကာမာဝစရကုသိုလ်စေတနာ ၈-ပါး၊ ရူပါဝစရကုသိုလ် စေတနာ ၅-ပါး၊ ပေါင်း ၂၅-ပါးသော ကုသိုလ်, အကုသိုလ် စေတနာသည် ပဋိသန္ဓေစိတ်၏ ဥပါဒ်မှစ၍ စိတ်၏ ခဏတိုင်းခဏတိုင်းမှာ ရုပ်ကို ဖြစ်စေသည်၊ ထိုကံကြောင့်ဖြစ်သော ရုပ်ကို “ကမ္မဇရုပ်”ဟု ခေါ်သည်။ ထိုစေတနာများသည် မိမိသန္တာန်၌ ပြုစီမံထားပြီး၊ ဖြစ်စေထားပြီးသော အတိတ်စေတနာများပင် ဖြစ်ကြသည်။ ထိုပြုစီမံထားပြီး ဖြစ်စေထားပြီးသော စေတနာသည် မိမိသန္တာန်မှာသာ အကျိုးပေးခွင့်သင့်ရာ ဘဝ၌ အကျိုးပေးသည်၊ ကမ္မဇရုပ်များကို ဖြစ်စေသည်။ ကမ္မဇရုပ်တို့သည် ပဋိသန္ဓေစိတ်၏ ဥပါဒ်မှစ၍ စိတ်၏ (“ဥပါဒ်, ဌီ, ဘင်”ဟု ဆိုအပ်သော) ခဏတိုင်းခဏတိုင်းမှာ ဖြစ်ကြရသည်။)
ကရုဏာ
ဒုက္ခရောက်နေသော သူကို အာရုံပြု၍ သနားခြင်းသဘော။