“ကိုယ်ရောင်ကိုယ်ဝါ-စသည်တို့သည် မဂ်-ဖိုလ် မဟုတ်၊ မဂ်-ဖိုလ်ကြောင့် ဖြစ်ပေါ်လာကြသည်လည်း မဟုတ်၊ ဤ’ကိုယ်ရောင် ကိုယ်ဝါ’ စသည်တို့ကို စဉ်းစားဆင်ခြင်မှုသည်လည်း ဝိပဿနာလမ်းမှန် မဟုတ်၊ ပေါ်လာသမျှသော ရုပ်-နာမ်တို့ကို ထင်ရှားရှိခိုက်မှာ မပြတ်မလပ် ရှုမှတ်ခြင်းကသာ ဝိပဿနာလမ်းမှန် ဖြစ်သည်”ဟု ဆင်ခြင်ဆုံးဖြတ်နိုင်သော ဉာဏ်သည် “မဂ္ဂါမဂ္ဂဉာဏဒဿနဝိသုဒ္ဓိ”မည်၏။ ဝိပဿနာလမ်းကြောင်းမှန် ဟုတ်သည် မဟုတ်သည်ကို သိတတ်သော (ဆုံးဖြတ်နိုင်သော) ဉာဏ်သည် လမ်းကြောင်းမှန်မဟုတ်သည်ကို သုတ်သင်ရှင်းလင်းတတ်ခြင်းကြောင့် မဂ္ဂါမဂ္ဂဉာဏဒဿနဝိသုဒ္ဓိ မည်၏။
မာနာနုသယ ၁
မာနသည်ပင် သတ္တဝါတို့၏ သန္တာန်၌ အစဉ်တစိုက် ကိန်းအောင်းပါဝင်နေသောကြောင့် မာနာနုသယ မည်၏။